మొయినా బాద్ డ్రగ్స్ కేసులో మరో మలుపు

మొయినాబాద్ డ్రగ్స్ కేసు రోజుకో మలుపు తిరుగుతోంది. ఈ కేసును విచారిస్తున్న ప్రత్యేక దర్యాప్తు బృందం తాజాగా జూబ్లీహిల్స్ కు చెందిన ప్రముఖ వైద్యుడిని అదుపులోకి తీసుకున్నట్లు తెలిసింది. ఈ అరెస్టుతో డ్రగ్స్ నెట్వర్క్ ఉన్న మరిన్ని పేర్లు వెలుగులోకి వస్తున్నాయి. పోలీసుల కథనం ప్రకారం...రోహిత్ రెడ్డి కి చెందిన ఫామ్ హౌస్ ను డ్రగ్స్ పార్టీల కోసం ఒక 'డెన్'గా వినియోగించినట్లు సిట్ గుర్తించింది. గతంలో పట్టుబడిన రోహిత్ రెడ్డి, రితీష్ రెడ్డిలను విచారించిన సమయంలో డాక్టర్ పేరు బయటకు వచ్చింది. డ్రగ్ పెడ్లర్ రాకేష్ వర్మ నుంచి డాక్టర్ కి ఎండీఎంఏ వంటి ప్రమాదకరమైన డ్రగ్స్ అందినట్లు ఆధారాలు లభించాయి.