ఫ్యాక్ట్ చెక్: వైరల్ వీడియో నిజమైన క్లౌడ్‌బరస్ట్‌ ను చూపడం లేదు, ఇది ఏఐ తో తయారు చేసిన వీడియో

జూలై- ఆగస్టు 2025లో, భారతదేశంలోని పలు ప్రాంతాల్లో క్లౌడ్‌బరస్ట్‌ జరిగింది, ఎక్కువగా ఈ పరిస్థితి హిమాలయ ప్రాంతంలో చోటు చేసుకుంది. ఉత్తరాఖండ్, జమ్మూ-కశ్మీర్, హిమాచల్ ప్రదేశ్‌లలో భారీ వర్షాల కారణంగా తీవ్ర నష్టం సంభవించింది. ఆగస్టు 5న ఉత్తరాఖండ్‌లోని ఉత్తరకాశిలో ఆకస్మిక వరదలు సంభవించాయి, దీనివల్ల గణనీయమైన ప్రాణనష్టం జరిగింది. హిమాచల్ ప్రదేశ్‌లోని మండి జిల్లా జూలై- ఆగస్టులో భారీ వర్షాలకు వణికింది. ఇక ఆకస్మిక వరదలతో పలు ప్రాంతాల్లో పెను నష్టం సంభవించింది. మౌలిక సదుపాయాలకు ఊహించని నష్టం జరిగింది. కిష్త్వార్-చసోటి ప్రాంతంలో మేఘాల విస్ఫోటనం సంభవించింది, నివేదికల ప్రకారం 46-60 మంది మరణించారు. 200 మందికి పైగా తప్పిపోయారు.