ఉద్యోగం లేదని ఫ్రస్టేషన్.. భార్య షాపింగ్ చేసిందని కోపం.. వెరసి మర్డర్

బెంగళూరులోని బొమ్మనహళ్లి ప్రాంతంలో హరీశ్, పూజ ఉంటున్నారు. వీరికి వివాహం అయింది. ఇద్దరు పిల్లలు కూడా ఉన్నారు. ఇద్దరూ ఇంజినీరింగ్ చేసి ప్రయివేటు కంపెనీలో ఉద్యోగం కూడా చేస్తున్నారు. అయితే హరీశ్ కొన్ని నెలల క్రితం అనేక కారణాలతో ఉద్యోగం మానేశాడు. ఇంట్లోనే ఉంటున్నారు. పూజ మాత్రం ఉద్యోగం చేస్తూ ఇల్లు గడుపుతుంది. అయితే సహజంగానే ఇద్దరి మధ్య ఆర్థిక పరమైన గొడవలు వస్తున్నాయి. మళ్లీ పోతుున్నాయి. అసలే ఉద్యోగం లేక ఇంట్లోనే ఉంటున్నానని ఫ్రస్టేషన్ లో ఉన్న హరీశ్ కు భార్య షాపింగ్ వెళ్లడం కాలిపోయింది.

ఆర్థికంగా ఇబ్బందులు పడుతుంటే షాపింగ్ కు వెళ్లి అనవసరమైన వస్తువులను కొనుక్కుని వస్తావా? అని ఆగ్రహంతో హరీశ్ పూజపై ఊగిపోయాడు. ఇద్దరి మధ్య మాటా మాటా పెరిగింది. తనకు ఎదురు సమాధానం చెప్పడంతో తట్టుకోలేకపోయిన హరీశ్ ఆమెపై చేయి చేసుకున్నాడు. అంతే కాదు నేలపై పడేసి కాలితో ఆమె గొంతుపై బలంగా నొక్కాడు. దీంతో పూజ మరణించింది. అయితే పూజ మరణించిందన్న సమాచారాన్ని పోలీసులకు స్థానికులు సమాచారం ఇవ్వడంతో వారు వచ్చి హరీశ్ ను అదుపులోకి తీసుకుని విచారిస్తున్నారు. కేసు నమోదు చేసుకుని దర్యాప్తు చేస్తున్నారు. పూజ మృతదేహాన్ని పోస్టు మార్టం నిమిత్తం ప్రభుత్వ ఆసుపత్రికి తరలించారు.