Road Accident : ఆంధ్రప్రదేశ్ లో ఘోర రోడ్డు ప్రమాదం.. ఆరుగురు మృతి

ఇంకొకరు ఆసుపత్రిలో చికిత్స పొందుతూ మరణించారు. ఆగిఉన్న లారీని మరొక లారీ ఢీకొట్టడంతో ఆ లారీ ముందున్న బస్సును ఢీకొట్టడంతో ఈ ప్రమాదం జరిగిందని పోలీసులు తెలిపారు. ఈ ప్రమాదంలో రెండు లారీలకు చెందిన ఇద్దరు డ్రైవర్లతో పాటు బస్సు డ్రైవర్ కూడా మరణించారు. మరో ముగ్గురు ప్రయాణికులు మృతి చెందిన వారిలో ఉన్నారు. గాయపడిన పదిహేను మంది ప్రయాణికులు వెంటనే ఆసుపత్రికి తరలించి చికిత్స అందిస్తున్నారు.

మృతుల సంఖ్య మరింత పెరిగే అవకాశముంది. బస్సు ముందు భాగం మొత్తం నుజ్జునుజ్జయింది. ప్రమాదస్థలికి వెంటనే చేరుకున్న పోలీసులు సహాయక చర్యలు చేపట్టారు. చెన్నై వైపు వెళుతున్న లారీలు హైదరాబాద్ వస్తున్న ప్రయివేటు ట్రావెల్స్ బస్సును ఢీకొట్టడం వల్ల ఈ ప్రమాదం జరిగింది. మొత్తం మూడు వాహనాలు ఢీకొట్టడం వల్లనే ప్రమాద తీవ్రత ఎక్కువగా ఉంది. పోలీసులు కేసు నమోదు చేసి దర్యాప్తు చేస్తున్నారు. మృతదేహాలను పోస్టుమార్టం నిమిత్తం ప్రభుత్వ ఆసుపత్రికి తరలించారు.