దొంగిలించిన సొమ్ముతో బట్టలు కూడా కొనుక్కోలేదు.. అదే అతనిని పట్టించిందిగా?

సురేష్ మోరీ దొంగతనాలు పెక్యులర్ గా ఉంటాయి. తాళాలు వేసిన ఇళ్లలోనే చోరీలు చేస్తుంటాడు. భారీగా బంగారం, నగదు ను దోచుకెళతాడు. చూసేందుకు ఎవరికీ అనుమానం కలగదు. తాళాలు సులువుగా పగలుకొట్టేస్తాడు. వరస నేరాలు చేస్తున్నా అతను పోలీసులకు పట్టుబడటం లేదు. రెండు తెలుగు రాష్ట్రాల్లో అనేక చోరీలకు పాల్పడ్డాడు. గతంలో ముంబయిలో అనేక దొంగతనాలు చేసి పోలీసులకు చిక్కినా అనారోగ్యం కారణం చెప్పి వారి నుంచి తప్పించుకుని పారిపోయాడు. ఒకచోట దొంగతనం చేస్తే మకాం వేరే ఊరికి మారుస్తాడు. మళ్లీ ఆ ఊరికి కొద్ది రోజులు గ్యాప్ ఇచ్చి వస్తాడు. ఇది మనోడి దొంగతనం స్టయిల్. అదే చివరకు సురేష్ మోరీని పట్టించింది.

జూన్ నెలలో విజయవాడలోని భవానీపురం పోలీస్ స్టేషన్ లో ఒక దొంగతనం జరిగింది. పదిహేను బంగారంతో పాటు లక్ష రూపాయల నగదును చోరీ చేశాడు. అయితే ఆ ప్రాంతంలో సీసీ టీవీ కెమెరా పుటేజీని పరిశీలించిన పోలీసులు ఒక వ్యక్తి అనుమానాస్పదంగా తిరగడం గమనించారు. అతడిని పట్టుకునేందుకు ప్రయత్నించేలోపు భవానీపురంలో మరో దొంగతనం జరిగింది. అక్కడి నుంచి కర్నూలుకు వెళ్లాడు. అక్కడ దొంగతనం చేసి తిరిగి గుంటూరుకు చేరుకున్నాడు. అయితే ఈ దొంగతనాలు చేసే సమయంలో ఒకే చొక్కా, ఒకే రంగు ప్యాంటు వేసుకోవడంతో పోలీసులు సులువుగా గుర్తించారు. గుంటూరు రైల్వే స్టేషన్ లో ఉన్న సురేష్ మోరీని అరెస్ట్ చేసి విచారించారు. నేరాలు చేసినట్లు అంటీకరించారు. గుంటూరులోనూ నాలుగు నేరాలు చేసినట్లు అంగీకరించినట్లు పోలీసులు తెలిపారు. ముంబయిలో మోస్ట్ వాంటెడ్ క్రిమినల్ గా ఉన్న సురేష్ మోరీ చివరకు బెజవాడ పోలీసులకు దొరికపోయాడు.