పూణేలో డ్రగ్స్ కలకలం.. తెలంగాణకు లింక్స్?

నిఘా ఆధారంగా ఆగస్ట్ 22న పూణెలో తెలంగాణ రిజిస్ట్రేషన్ ప్లేట్ ఉన్న కారును డీఆర్ఐ బృందం అడ్డగించింది. ఆ వాహనాన్ని పరిశీలించగా అందులో తెల్లటి స్ఫటికాకార పదార్థంతో నిండిన నాలుగు నీలం రంగు ప్లాస్టిక్ కంటైనర్లు కనిపించాయి. ప్రాథమిక పరీక్షల్లో అది నార్కోటిక్ డ్రగ్స్ అండ్ సైకోట్రోపిక్ సబ్‌స్టాన్సెస్ (ఎన్‌డీపీఎస్) అని.. నిబంధనల ప్రకారం నిషేధించబడిన మెథాక్వాలోన్ అని తేలింది. ఈ క్రమంలోనే ఆ వాహనంతో పాటు 101.31 కిలోగ్రాముల మెథాక్వలోన్‌గా భావిస్తున్న పదార్థాన్ని ఎన్‌డీపీఎస్ చట్టంలోని నిబంధనల ప్రకారం డీఆర్ఐ అధికారులు స్వాధీనం చేసుకున్నారు. స్వాధీనం చేసుకున్న డ్రగ్స్ విలువ రూ. 50.65 కోట్లు ఉంటుందని అధికారులు అంటున్నారు. ఈ డ్రగ్స్ కార్టెల్ భారతదేశంలోని అనేక రాష్ట్రాల్లో విస్తరించి ఉండవచ్చని అధికారులు భావిస్తున్నారు.