Gold Price Today : తగ్గాయని సంబర పడినంత సేపు లేదుగా.. భారీగా బంగారం షాకిచ్చిందిగా?

అయితే పెట్టుబడి పెట్టిన వారు ధరలు కొంత పెరగడంతో బంగారాన్ని విక్రయించేందుకు సిద్ధపడుతున్నారు. కొద్దిపాటి నష్టానికైనా బంగారాన్ని విక్రయించడం మేలన్న భావన వారిలో కనపడుతుంది. గతంలో బంగారం ధరలు ఇంకా పెరుగుతాయని, వెండి ధరలు రెండు లక్షలు దాటేసినా కొనుగోలు చేసిన వారు ఇప్పుడు కొంత పెరగడంతో వాటిని విక్రయించేందుకు వస్తున్నారని జ్యుయలరీ దుకాణాల యజమానులు చెబుతున్నారు. అలాగే పాత బంగారానికి విలువ ఎక్కువ అని, వారికి ప్రత్యేకంగా ఆఫర్లు కూడా బంగారు దుకాణాల యజమానులు ప్రకటిస్తున్నారు. మరొకవైపు కొత్తగా కొనుగోలు చేసేవారు సయితం బంగారం ధరలు మళ్లీ పెరగడంతో నిరాశకు గురయ్యారు.

పెళ్లిళ్లు, శుభకార్యాల సీజన్ కావడంతో బంగారం ధరలు మరింత పెరుగుతాయన్న అంచనాలు నిజమయ్యేటట్లు కనిపిస్తున్నాయి. కొనుగోళ్లు కూడా గతంలో కంటే కొంత ఎక్కువగా పెరిగినట్లు చెబుతున్నారు. ఈరోజు దేశంలో బంగారం ధరలు భారీగా పెరిగాయి. వెండి ధరలు మాత్రం స్థిరంగా కొనసాగుతున్నాయి. పది గ్రాముల బంగారం ధరపై వెయ్యి రూపాయలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,13,010 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,23,290 రూపాయలకు చేరుకుంది. కిలో వెండి ధర 1,64,900 రూపాయలుగా ట్రేడ్ అవుతుంది. మధ్యాహ్నానికి ధరల్లో మార్పు జరిగే అవకాశముంది.