Gold Price Today : భయపెడుతున్న బంగారం.. బెంబేలెత్తిస్తున్న వెండి

గతంలో పెరిగినప్పటికీ పెరుగుదల క్రమంగా... ఉండేది. కానీ నేడు పెరిగితే మాత్రం వందలు.. వేల రూపాయలు పెరుగుతుండటంతో ధరలను అదుపు చేయడం ఎవరి చేతుల్లో లేకపోవడంతో వాటిని ఆపడం ఎవరి తరమూ కావడం లేదు. దీంతో ఈ ప్రభావం కొనుగోళ్లపై కూడకా పడ్డాయి. బంగారం, వెండి కొనుగోళ్లు దారుణంగా పడిపోయాయి. అమ్మకాలు నిలిచిపోవడంతో జ్యుయలరీ దుకాణాలు ఖాళీగా దర్శనమిస్తున్నాయి. బంగారం పై ఆశ పూర్తిగా చచ్చిపోయిందని వినియోగదారులే చెబుతున్నారు. బంగారం లేకుంటే బతకలేమా? దానిని కొనుగోలు చేయడం కంటే మరొకటి కొనుగోలు చేయడం మంచిదన్న అభిప్రాయంలో వినియోగదారులు ఎక్కువ మంది వచ్చారు.

మరొకవైపు శుభకార్యాల సీజన్ కాకపోవడం, ప్రస్తుతం మూఢమి నడుస్తుండటంతో బంగారం, వెండి వస్తువుల అమ్మకాలు మరింత దారుణంగా పడిపోయే అవకాశముందని వ్యాపారులు ఆందోళన వ్యక్తం చేస్తున్నారు. ఈరోజు దేశంలో బంగారం ధరలు పెరిగాయి వెండి ధరలు స్వల్పంగా తగ్గాయి. కిలో వెండి ధరపై వంద రూపాయలు తగ్గింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,19,860 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,30,760 రూపాయలుకు చేరుకుంది. కిలో వెండి ధర 2,09,100 రూపాయలకు చేరుకుంది.