Gold Price Today : బంగారం ధరలు ఇలా షాకిస్తున్నాయేంటో.. ఇక కొనుగోలు చేయడం కష్టమేనా?

బంగారం ధరలు ఈ ఏడాది ప్రారంభం నుంచి పెరుగుతూనే ఉన్నాయి. దేశంలో ఎంత పేద కుటుంబం అయినా కొద్దిగానైనా బంగారం ఉంటుంది. అలాంటి ఇప్పుడు బంగారం ధరలు భారీగా పెరిగిపోతున్నాయి. తులం బంగారం కొనుగోలు చేయాలంటే లక్షా 17వేలకుపైగా పెట్టుకోవాల్సిందే. బంగారం అంటేనే మహిళలు భయపడిపోతున్నారు.రోజురోజుకు బంగారం ధరలు దూసుకుపోతున్నాయి. మన భారతీయ సాంప్రదాయంలో బంగారానికి అత్యంత ప్రాధాన్యత ఇస్తుంటాం. పండగలు, ఇతర శుభ కార్యలకు బంగారం తప్పకుండా కొనాల్సిందే. దేశంలో ఎంత పేద కుటుంబం అయినా కొద్దిగానైనా బంగారం ఉంటుంది. కానీ పెరుగుతున్న బంగారం ధరలు చూసి దానిపై మక్కువ పెంచుకోవడం మానేశారు.

ఇక పెట్టుబడిగా చూసేవారు సయితం బంగారం విషయంలో భయపడిపోతున్నారు. ఇంతగా పెరిగిన బంగారం ధరలు ఒక్కసారిగా పడిపోతే తమకు నష్టం వాటిల్లు తుందని భయపడి కొనుగోలుకు దూరంగా జరుగుతున్నారు. ఈరోజు దేశంలో బంగారం ధరలు భారీగా పెరిగాయి. వెండి ధరల్లో స్వల్ప పెరుగుదల కనిపించింది. పది గ్రాముల బంగారం ధరపై వెయ్యి రూపాయలు పెరిగింది. కిలో వెండి ధరపై వంద రూపాయలు పెరిగింది. ఈరోజు ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,07,660 రూపాయలకు చేరుకుంది. 24 క్యారెట్ల పది గ్రాముల బంగారం ధర 1,17,450 రూపాయలుగా నమోదయింది. కిలో వెండి ధర 1,61,100 రూపాయలుగా ట్రేడ్ అవుతుంది.