Gold Price Today : బంగారం ధరలు తగ్గుతాయని అనుకుంటున్నారా? ఈరోజు ధరలు ఎంతంటే?

బంగారం అంటే అందరికీ ఇష్టమే. అందులోనూ మహిళలకు ముఖ్యంగా బంగారం వస్తువు కనిపించిందంటే పూనకాలు వస్తాయి. తమకు నచ్చిన ఆభరణం దొరికితే కొనుగోలు చేసేంత వరకూ ఎవరూ ఊరుకోరు. కానీ ఇప్పటికే బంగారం ధరలు లక్ష రూపాయలు దాటేశాయి. వెండి ధరలు కూడా అంతే స్థాయిలో భయపెడుతున్నాయి. ఈ పరిస్థితుల్లో బంగారం ధరలు కొంత తగ్గుతాయేమోనని కొందరు వ్యక్తం చేస్తున్న అభిప్రాయాలను పరిగణనలోకి తీసుకుని ఇంకా తగ్గుతాయేమోనని ఆశతో చూస్తున్న వారికి ఆశాభంగం తప్పేట్లు లేదు. బంగారం ధరలు మరోసారి భారీగా పెరిగి కొనుగోలు చేయాలనుకుంటున్న వారికి షాకిచ్చాయి. అందులోనూ శ్రావణమాసం కావడంతో మరింత ధరలు పెరిగే అవకాశముంది.

పెళ్లిళ్లు, శుభకార్యాలు జోరుగా జరుగుతుండటంతో బంగారం, వెండి ఆభరణాల కొనుగోళ్లు కూడా ఎక్కువగా ఉంటాయి. ఈ సమయంలో ధరలు తగ్గే అవకాశం లేదని నిపుణులు చెబుతున్నారు. ఈరోజు దేశంలో బంగారం ధరలు భారీగ పెరిగాయి. వెండి ధర మాత్రం స్వల్పంగా పెరిగింది. పది గ్రాముల బంగారం ధరపై 1,540 రూపాయలు పెరిగింది. కిలో వెండి ధరపై వంద రూపాయలు పెరిగింది. హైదరాబాద్ బులియన్ మార్కెట్ లో ఉదయం ఆరు గంటలకు నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 92,290 రూపాయలుగా ఉంది. 24 క్యారెట్ల పది గ్రాముల బంగారం ధర 1,01,350 రూపాయలుగా నమోదయింది. కిలో వెండి ధరల 1,13,100 రూపాయలుగా ట్రేడ్ అవుతుంది.