Gold Rates Today : మళ్లీ షాకిచ్చిన బంగారం ధరలు.. వెండి ధరలు కూడా.. నేటి ధరలు ఎంతంటే?

బంగారం ధరలు ఇప్పటికే లక్ష రూపాయలు దాటేసింది. వెండి ధరలు కూడా దాని కంటే ముందే పరుగులు పెడుతున్నాయి. భారతీయ సెంటిమెంట్ లో భాగమైన బంగారం, వెండి ధరలు ఇలా పెరుగుతుండటం కొనుగోలుదారులకు ఆందోళన కలిగిస్తుంది. బంగారం వైపు చూడాలంటనే భయమేస్తుంది. అదే సమయంలో ధరలు ఇంకా పెరుగుతాయన్న సంకేతాలు మరింతగా డీలా పడే చేస్తున్నాయి. బంగార ప్రియులంటే మహిళలే. వారే ఎక్కువగా కొనుగోలు చేయడానికి ముందుకు వస్తుంటారు. అలాంటిది మహిళలే బంగారం కొనుగోలు పట్ల అనాసక్తి కనపరుస్తున్నారంటే అంతకు మించిన ఇబ్బంది జ్యుయలరీ దుకాణాలకు ఏముంటుందన్న ప్రశ్నలు వినిపిస్తున్నాయి.

దక్షిణ భారత దేశంలో ఎక్కువగా అమ్ముడుపోయే బంగారం ఈ ఏడాది కాలంలో దారుణంగా పడిపోయాయి. ప్రతి నెలా ధరలు పెరుగుతుండటంతో కొనుగోళ్లు నిలిచిపోయాయని అంటున్నారు. ఈరోజు దేశంలో బంగారం ధరలు మళ్లీ పెరిగాయి. వెండి ధరలు కూడా భారీగా పెరిగాయి. పది గ్రాముల బంగారం ధరపై 1,040 రూపాయలు పెరిగింది. కిలో వెండి ధర పై వెయ్యి రూపాయలు పెరిగింది. హైదరాబాద్ బులియన్ మార్కెట్ లో ఉదయం ఆరు గంటలకు నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 93,810 రూపాయలకు చేరుకుంది. 24 క్యారెట్ల పది గ్రాముల బంగారం ధర 1,02,340 రూపాయలుగా నమోదయింది. కిలో వెండి ధర 1,19, 100 రూపాయలుగా ట్రేడ్ అవుతుంది.