Gold Price Today : పసిడి ప్రియులకు భారీ ఊరట.. బంగారం, వెండి ధరలు ఎంత తగ్గాయంటే?

బంగారం, వెండి వస్తువులకు సీజన్ తో సంబంధం లేకుండా కొనుగోలు చేస్తుంటారు. గతంలో పెళ్లిళ్ల సీజన్, శుభకార్యాల సందర్భంలోనే బంగారం, వెండి కొనుగోలు చేసేవారు. రాను రాను అది చివరకు చిన్నపాటి ఫంక్షన్ కు కూడా వీటిని కొనుగోలు చేస్తున్నారు. బంగారం, వెండి బహుమతిగా ఇస్తే అంతకు మించి విలువైన బహుమతి మరేదీ ఉండదన్న భావనతో ఎక్కువ డిమాండ్ పెరిగింది. అయితే ధరలు విపరీతంగా పెరిగిపోవడంతో పెళ్లిళ్ల సీజన్ మొదలయి కొన్ని నెలలు కావస్తున్నా కొనుగోళ్లు మాత్రం పెరగడం లేదు. దీంతో జ్యుయలరీ దుకాణాలు వినియోగదారులు లేక వెలవెల బోతున్నాయి. అదే సమయంలో ఇంకా ధరలు తగ్గుతాయమోనని పెట్టుబడి దారులు ఎదురు చూస్తున్నారు.

బంగారం, వెండి వస్తువుల ధరలు అందరికీ అందుబాటులో ఉంటేనే కొనుగోళ్లు ఎక్కువగా జరుగుతాయి. అదే సమయంలో అనేక పరిణామాలతో బంగారం, వెండి ధరల్లో మార్పులను ఎవరూ శాసించలేని పరిస్థితి. పెరుగుదలకు అనేక కారణాలుంటాయని మార్కెట్ నిపుణులు చెబుతున్నారు. అయితే ఈరోజు దేశంలో బంగారం ధరలు భారీగా తగ్గాయి. వెండి ధరలు కూడా భారీగానే తగ్గాయి. హైదరాబాద్ బులియన్ మార్కెట్ లో ఉదయం ఆరు గంటలకు నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 80,190 రూపాయలుగా ఉంది. 24 క్యారెట్ల పది గ్రాముల బంగారం ధర 87,480 రూపాయలుగా నమోదయింది. కిలో వెండి ధర 1,06,900 రూపాయలకు చేరుకుంది.