Gold Price Today : గోల్డ్ కొనుగోలు చేయడం కంటే వేరే వాటిపై పెట్టుబడి పెట్టడం మంచిదా?

ధరల పెరుగుదలకు అనేక కారణాలు కనిపిస్తున్నాయి. ఒకవైపు డిమాండ్ పెరగడంతో పాటు మరొక వైపు అమెరికా అధ్యక్షుడు ట్రంప్ వేసిన సుంకాల ప్రభావం కూడా ధరల పెరుగుదలకు కారణంగా చెబుతున్నారు. అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, విదేశాల్లో నెలకొన్న మాంద్యం, వివిధ దేశాల మధ్య కుదుతున్న వాణిజ్య ఒప్పందాలు, బంగారం దిగుమతులు క్షీణించడం వంటివి బంగారం ధరల్లో మార్పులు, చేర్పులకు కారణమవుతున్నాయని మార్కెట్ నిపుణులు చెబుతున్నారు. ఒక్కసారి బంగారం ధరలు పెరిగితే తర్వాత తగ్గుతాయని భావించడం భ్రమే అవుతుందని బంగారం గురించి తెలిసిన వారు ఎవరైనా చెబుతారు.

పెట్టుబడులు పెట్టే వారు కూడా బంగారంపై నగదును పెట్టడానికి భయపడిపోతున్నారు. దీంతో పెట్టుబడి పెట్టాల్సిన వారు ప్రత్యామ్నాయ మార్గాలను ఎంచుకుంటున్నారు. సురక్షితమైన వాటిని ఎంచుకుంటున్నారు. అందుకే బంగారం, వెండి వస్తువులను కొనుగోలు చేయాలని భావించే వారు మాత్రం కాస్తంత వెనకడుగు వేశారనే అనుకోవాలి. ఈరోజు దేశంలో బంగారం ధరలు స్వల్పంగా తగ్గాయి. వెండి ధరల్లో కూడా స్వల్ప తగ్గుదల కనిపించింది. మధ్యాహ్నానికి ఈ ధరల్లో మార్పులు కనిపించే అవకాశముంది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 92,890 రూపాయలకు చేరుకుంది. 24 క్యారెట్ల పది గ్రాముల బంగారం ధర 1,01,340 రూపాయలుగా నమోదయింది. కిలో వెండి ధర 1, 22, 900 రూపాయల వద్ద ట్రేడ్ అవుతుంది.