Ys Sharmila : హింసకు మారుపేరు బీజేపీ : వైఎస్ షర్మిల
హింసకు మారుపేరు బీజేపీ అని ఆంధ్రప్రదేశ్ కాంగ్రెస్ చీఫ్ వైఎస్ షర్మిల అన్నారు
హింసకు మారుపేరు బీజేపీ అని ఆంధ్రప్రదేశ్ కాంగ్రెస్ చీఫ్ వైఎస్ షర్మిల అన్నారు. ఢిల్లీలో ఏదో జరిగిందని ఆంధ్రప్రదేశ్ గల్లీలో పార్టీ ఆఫీసులపై దాడులా ? అని ప్రవ్నించారు. ఇదేం ప్రజాస్వామ్యం ? ఇదెక్కడి దారుణమని షర్మిల నిలదీశారు. రాష్ట్రంలో కాంగ్రెస్ పార్టీ కార్యాలయాలపై బీజేపీ గుండాల దాడులు పిరికిపంద చర్య అని వైఎస్ షర్మిల అన్నారు.
బీజేపీ తగిన మూల్యం చెల్లించుకోవాల్సి...
ఈ దుశ్చర్యను తీవ్రంగా ఖండిస్తున్నామని, ప్రజాకోర్టులో బీజేపీ తగిన మూల్యం చెల్లించుకోవాల్సి వస్తుందని హెచ్చరిస్తున్నానని షర్మిల అన్నారు. దేశంలో ప్రశ్నించే హక్కును బీజేపీ కాలరాస్తుందన్న వైఎస్ షర్మిల - మోదీ, ఆర్ఎస్ఎస్ రాజ్యాంగంలో నిరసన తెలపడం నేరమయిందని అన్నారు. ప్రతిపక్షంపై దాడులు చేయడమంటే దేశ ప్రతిష్టను మరింతగా దిగజార్చడమేనని అన్నారు. మత ఛాందస వాదుల వికృత చేష్టలను శాంతియుతంగా తిప్పికొట్టాలని కాంగ్రెస్ పార్టీ శ్రేణులకు విజ్ఞప్తి చేస్తున్నానని వైఎస్ షర్మిల పిలుపు నిచ్చారు.