Chandrababu : జగన్ కంటే ముందుగానే చంద్రబాబు సిద్ధమయినట్లు కనిపిస్తుందే?

నిన్న తెలుగుదేశం పార్టీ నేతలు, మంత్రులతో సమావేశమైన చంద్రబాబు ఇందుకు సంబంధించిన లెక్కలు కూడా చెప్పారు. వ‌చ్చే ఫిబ్ర‌వ‌రి నుంచేస్వ‌ర్ణాంధ్ర‌పేరుతో పెద్ద ఎత్తున ప్ర‌జ‌ల్లోకి వ‌చ్చేలా ఒక కార్య‌క్ర‌మాన్ని ప్రారంభించనున్నారని తెలిసింది. ఇప్ప‌టి వ‌ర‌కు ఎనిమిది మాసాల్లో చేసిన కార్య‌క్ర‌మాల‌ను ప్ర‌జ‌ల‌కు వివ‌రించ‌నున్నారు. పింఛన్లు పెంపుదల, ఐదు వందల రూపాయలకే గ్యాస్ సిలిండర్ తో పాటు సంక్షేమ కార్యక్రమాలను ప్రజలకు చేరువ చేయడమే కాకుండా అభివృద్ధి విషయంలో ఏపీ పరుగులు పెడుతున్న విషయాన్ని కూడా ప్రజల దృష్టికి తీసుకురావాలని డిసైడ్ అయ్యారు. కూట‌మి ప్ర‌భుత్వం వ‌చ్చిన త‌ర్వాత‌.. తీసుకువ‌చ్చిన పెట్టుబడులతో రాష్ట్రానికి క‌లిగే ప్ర‌యోజ నం.. వ‌చ్చే ఉపాధి, ఉద్యోగాలు వంటివాటిని వివ‌రించన్నారు.

ప్రభుత్వంపై ఇప్పటికే కొన్ని వర్గాలు తప్పుడు ప్రచారం చేస్తుండటంతో ప్రజలు తప్పుగా భావించే అవకాశముందని చంద్రబాబు భావించి ముందుగానే జనంలోకి వెళ్లి వాస్తవ పరిస్థితులను వివరించాలని డిసైడ్ అయ్యారు. ల్ల త‌మ ప్ర‌భు త్వం ఏం చేసింద‌నే విష‌యంపై ప్ర‌స్తుతం సందేహం గా ఉన్న కొన్ని వ‌ర్గాల ప్ర‌జ‌ల‌కు క్లారిటీ ఇచ్చేందుకు సిద్ధమయ్యారు. తప్పుడు ప్రచారంతో ప్రభుత్వంపై వ్యతిరేకత ఎక్కువ కాకమునుపే జనంలోకి వెళ్లి వాస్తవాలను వివరిస్తే ప్రయోజనం ఉంటుందని చంద్రబాబు అంచనా వేసుకుని దానికి అనుగుణంగా రోడ్ మ్యాప్ తయారు చేయాలని ఇప్పటికే పార్టీ నేతలను ఆదేశించినట్లు తెలిసింది. మొత్తం మీద జనం కంటే ముందుగా జనంలోకి వెళ్లేందుకు చంద్రబాబు సిద్ధమవుతున్నారు.