Andhra Pradesh : ఏపీలో నేడు పింఛన్ల పంపిణీ ప్రారంభం

ఉదయం ఏడు గంటలకు ప్రారంభమై రేపటి వరకూ ఈ పింఛన్ల పంపిణీ కార్యక్రమాన్ని నిర్వహిస్తారు. వృద్ధులు, వితంతువులకు నెలకు నాలుగు వేల రూపాయలు, దివ్యాంగులకు ఆరు వేల రూపాయలు, మంచానికే పరిమితమైన దివ్యాంగులకు పదిహేను వేల రూపాయల చొప్పున పంపిణీ చేస్తున్నారు. దీనికి సంబంధించిన నిధులను ప్రభుత్వం నిన్ననే విడుదల చేయడంతో నేటి ఉదయం నుంచి పింఛన్ల పంపిణీ ప్రారంభమయింది. దాదాపు అరవై ఐదు లక్షల మందికి ఈ పింఛన్లను అందిస్తున్నారు.