Srisailam : శ్రీశైలం జలాశయానికి వరద ఉధృతి
శ్రీశైలం జలాశయానికి వరద ఉధృతి కొనసాగుతుంది
శ్రీశైలం జలాశయానికి వరద ఉధృతి కొనసాగుతుంది. ఎనిమిది గేట్లు ఎత్తి పది అడుగుల మేర ఎత్తికి దిగువకు నీటిపారుదల శాఖ అధికారులు విడుదల చేస్తున్నారు. ఎగువన కురుస్తున్న భారీ వర్షాలకు శ్రీశైలం జలాశయం నిండిపోవడంతో అధికారులు గేట్లు ఎత్తారు. శ్రీశైలం జలాశయం ప్రస్తుతం ఇన్ ఫ్లో 2,58,612 క్యూసెక్కులు కాగా ఔట్ ఫ్లో 2,81,398 క్యూసెక్కులుగా ఉంది.
పర్యాటకులు పెరిగి...
శ్రీశైలం జలాశయం పూర్తిస్థాయి నీటిమట్టం ప్రస్తుతం 885 అడుగులు కాగా ప్రస్తుత నీటిమట్టం 882.60 అడుగులుగా ఉంది. కుడి, ఎడమ జల విద్యుత్ కేంద్రాలలో కొనసాగుతున్న విద్యుత్ ఉత్పత్తి కొనసాగుతున్నట్లు అధికారులు వెల్లడించారు. ఎనిమిది గేట్లు ఎత్తడంతో ప్రాజెక్టు వద్దకు పర్యాటకులు పెద్ద సంఖ్యలో చేరుకుంటున్నారు. ట్రాఫిక్ ను నియంత్రించేందుకు పోలీసులు ప్రయత్నిస్తున్నారు.