Chandrababu : జగన్ తో పోటీ పడుతున్నట్లుందిగా బాబూ? ఫీడ్ బ్యాక్ ఎలా ఉందో తెలుసా?

చంద్రబాబు ప్రారంభించిన అమరావతి నిర్మాణాన్ని ఆపేయడం ద్వారా జగన్ కు నాడు నష్టం జరిగింది. జగన్ మొదలుపెట్టిన మెడికల్ కాలేజీల విషయంలో కూడా చంద్ర బాబుకు కూడా ఇలాగే జరగొచ్చన్నది సోషల్ మీడియాలో వినిపిస్తున్న అనేక కథనాలు స్పష్టం చేస్తున్నాయి. ఎయిడెడ్ విద్యా సంస్థలు మూసేసి పేదలకు నాణ్యమైన విద్య దూరం చేయడంతో పాటు నిర్బంధంగా ప్రైవేట్ విద్యా సంస్థలపై ఆధార పడేలా చేయడంతో ఉన్నత విద్యలో ఫీజు రీఎంబర్స్ మెంట్ రద్దు చేశారన్న విమర్శలను చంద్రబాబు క్షేత్రస్థాయిలో ఎదుర్కొంటున్నారు. జనం ఏమనుకుంటారో ఆలోచించారా అంటే, నిజమే... కొన్ని ఆలోచించి చేయాల్సిన పనులు కూడా ఉంటాయని చంద్రబాబు గుర్తు పెట్టుకుంటే మంచిదన్న హెచ్చరికలు వినిపిస్తున్నాయి.

నాటి జగన్ ప్రభుత్వంలో ఉపాధ్యాయులు తీవ్ర అసంతృప్తికి గురయ్యారు. నాడు ప్రవీణ్ ప్రకాష్ లేనిపోని నిబంధనలు తెచ్చి ఉపాధ్యాయులకు జగన్ ప్రభుత్వాన్ని సక్సెస్ ఫుల్ గా దూరం చేయగలిగారు. ఇప్పుడు విజయరామరాజు కూడా అదే పంథాలో కొనసాగుతున్నారు. ముస్తాబు పేరిట పాఠశాలల్లో విద్యార్థులను శుచిగా, శుభ్రంగా ఉంచడానికి చేయడాన్ని కూడా ఉపాధ్యాయులపై అదనపు భారం పడిందన్న విమర్శలు వినిపిస్తున్నాయి. , ఎయిడెడ్ స్కూల్స్ విషయంలో చాలా పెద్ద తప్పు జరిగింది,అలడే మెడికల్ కాలేజీలను పీపీపీ విధానంలో ప్రయివేటు వ్యక్తులకు అప్పగించడం కూడా విమర్శలకు దారి తీస్తుంది. మెడికల్ కాలేజీల ప్రైవేటీకరణ మీద రగడ జరుగుతున్న తర్వాత ముఖ్యమంత్రికి సరైన ఫీడ్ బ్యాక్ అందడం లేదు అనిపిస్తోంది. వైసీపీ జనంలోకి తీసుకెళ్లడంలో సక్సెస్ అయింది. . ప్రైవేట్ సేవలు అంటే ప్రైవేట్ వ్యక్తులకు లబ్ది కలిగించడం అనే క్లారిటీ అందరికీ వచ్చేసినట్లే కనపించింది. ఏతా వాతా చెప్పేదేంటంటే.. జగన్ కు.. చంద్రబాబుకు పెద్దగా తేడా లేదనిపిస్తోంది.