తిరుమల లడ్డూలో కల్తీ కాదు .. కుట్ర జరిగింది వాస్తవమే : చంద్రబాబు

2019 -2024 కాలంలో ఇరవై కోట్ల లడ్డూల్లో కల్తీ జరిగిందని చంద్రబాబు అన్నారు. 2022లో భోలేబాబా సంస్థపై విచారణకు ఆదేశించారన్నారు. పాలు ఏ మాత్రం తయారు చేయని సంస్థలకు నెయ్యి సరఫరా కాంట్రాక్టు ఇచ్చిందని చంద్రబాబు తెలిపారు. 59 లక్షల కిలోల కల్తీ నెయ్యిని సరఫరా చేశారని చంద్రబాబు చెప్పారు. కూటమి ప్రభుత్వం అధికారంలోకి వచ్చిన తర్వాత నాసికరం రిపోర్టు ఉందని గ్రహించి ఈవో ఎన్డీడీబీకి పంపారని చంద్రబాబు చెప్పారు. ఎన్డీడీబీ రిపోర్టులో జంతువుల కొవ్వు ఉందని చెప్పడంతోనే తాను బయటకు చెప్సాల్సి వచ్చిందని, అంతే తప్ప మరొకటి కాదని చంద్రబాబు తెలిపారు. తిరుమలలో కల్తీ జరిగిందని స్పష్టంగా చెప్పబట్టే తాను చెప్పానని అన్నారు. టెండర్ నిబంధనలకు నీళ్లు వదిలేసి ఇతర కంపెనీలకు ఇవ్వడానికి కారణమయ్యారని చంద్రబాబు చెప్పారు.