Andhra Pradesh : రైతులకు గుడ్ న్యూస్...రేపు బ్యాంకు ఖాతాల్లో నగదు జమ

కేంద్ర ప్రభుత్వం ఇప్పటి వరకూ 21 దఫాలుగా పీఎం కిసాన్ నిధులను మంజూరు చేసింది. 22వ విడత నిధులను విడుదల చేసేందుకు సిద్ధమయింది. వాస్తవానికి సంక్రాంతి సమయంలోనే ఈ నిధులను విడుదల చేయాల్సి ఉంది. అయితే అప్పుడు సాధ్యపడలేదు. దీంతో ఇప్పుడు తాజాగా మరొక తేదీని కేంద్ర ప్రభుత్వం నిర్ణయించినట్లు తెలిసింది. మార్చి నెల 13వ తేదీన పీఎం కిసాన్ నిధులను రెండు వేల రూపాయలను జమ చేయాలని కేంద్ర ప్రభుత్వం నిర్ణయించింది. ఈ మేరకు రైతుల ఖాతాల్లో జమ చేయడానికి అవసరమైన చర్యలు తీసుకోవాలని కేంద్ర ప్రభుత్వం సంబంధిత అధికారులను ఆదేశించినట్లు అధికారిక వర్గాలు వెల్లడించాయి.

పీఎం కిసాన్ నిధులతో పాటు అన్నదాత సుఖీభవ పథకం కింద నిధులను ఏపీ ప్రభుత్వం విడుదల చేయనుంది. కేంద్ర ప్రభుత్వం నిధులు విడుదల చేసే రోజు అన్నదాత సుఖీభవ పథకం నిధులను కూడా విడుదల చేయాలని ఇటీవల వ్యవసాయ శాఖ సమీక్షలో చంద్రబాబు నాయుడు అధికారులను ఆదేశించినట్లు తెలిసింది. ఈ విడత కూడా రైతుల ఖాతాల్లో ఆరు వేల రూపాయల వరకూ నిధులు జమ అయ్యే అవకాశముందని తెలిసింది. అన్నదాత సుఖీభవ పథకం కింద మూడో విడత నిధులను జమ చేయడానికి ఏపీ ప్రభుత్వం కూడా సమాయత్తమయింది. దేశంలో పదకొడు కోట్ల మంది, ఏపీలో అరవై లక్షల మందికి పైగా రైతులు ప్రయోజనం పొందనున్నారు. రేపు రైతుల ఖాతాల్లో నిధులు విడుదల కానున్నాయి.