ఏపీలో టెన్త్ తెలుగు ప్రశ్నాపత్రం లీక్

ఏపీలో నేటి నుంచి 10వ తరగతి పరీక్షలు మొదలయ్యాయి. నేటి నుంచి మే 6వ తేదీ వరకూ టెన్త్ పరీక్షలు జరుగుతాయి. ఉద‌యం 9.30 గంటల‌కు ప్రారంభమై మ‌ధ్యాహ్నం 12గంటల 45నిమిషాలకు పరీక్షలు ముగుస్తాయి. ఇక ఏపీ వ్యాప్తంగా మొత్తం 6.22 ల‌క్షల మంది విద్యార్థులు టెన్త్ పరీక్షలు రాయనున్నారు. పరీక్ష కేంద్రానికి విద్యార్థులు అరగంట ఆలస్యంగా వచ్చినా అనుమతించాలని ఇప్పటికే ప్రభుత్వం ఆదేశాలు జారీ చేసింది. తొలిరోజు తెలుగు పరీక్ష ముగిసింది. క‌రోనా కారణంగా రెండేళ్లుగా ప‌దో త‌ర‌గ‌తి ప‌రీక్షలు జరగలేదు. విద్యాశాఖ విద్యార్థులందరినీ పాస్ చేసిన విషయం తెలిసిందే.