Free Bus : మహిళలకు ఉచిత బస్సు పై ఏపీ ప్రభుత్వం మరో కీలక నిర్ణయం

ఈ పథకం ఇప్పటికే అమలులో ఉన్న తెలంగాణ, కర్ణాటక రాష్ట్రాల్లో తెలంగాణలో కొంత సక్సెస్ గా కనిపిస్తున్నప్పటికీ, కర్ణాటకలో మాత్రం సర్కార్ కు ఈ పథకం భారంగా మారింది. ఈ రెండు రాష్ట్రాల్లో రాష్ట్ర వ్యాప్తంగా ఉచిత మహిళ బస్సు అమలు చేయడంతో ఆర్టీసీకి నష్టం వచ్చి, వాటిని భరించేందుకు ఇతర ఛార్జీలను పెంచుతున్నారు. అలా కాకుండా పూర్తిగా ఈ నెలలో ఉచిత బస్సు అమలవుతున్న అన్ని రాష్ట్రాల్లో మరోసారి అధ్యయనం చేయాలని నిర్ణయించారు. అయితే ఇందుకోసం విద్యుత్తు బస్సులను ఎక్కువగా వినియోగించాలని, ఇప్పుడున్న బస్సులనూ ఈవీలుగా మార్చేందుకు ప్రయత్నించాలని చంద్రబాబు నాయుడు అధికారులను ఆదేశించారు.

ఎలక్ట్రిక్ బస్సుల కొనుగోలుకు అవసరమైన ప్రతిపాదనలను సిద్ధం చేయాలని చంద్రబాబు రవాణా శాఖ అధికారులను కోరారు. ఖర్చు తగ్గేలా అలాగే ప్రయాణం సాఫీగా సాగేలా ప్రణాలళికలను రూపొందించాలని చంద్రబాబు ఆదేశించారు. ఆర్టీసీయే విద్యుత్తు ఉత్పత్తి చేసి బస్సులను నడపటం ద్వారా ఖర్చు ఏ మేరకు తగ్గించుకోవచ్చో కూడా పరిశీలించాలని సూచించారు. నిర్వహణ వ్యయం కూడా అంచనా వేయాలని కోరారు. ఈ పథకం అమలు చేయడానికి 2,536 అదనపు బస్సులు అవసరం అవుతుందని ఆర్టీసీ అధికారులు లెక్క తేల్చారు. ఇందుకు దాదాపు వెయ్యి కోట్ల రూపాయలు అవసరమవుతాయని చెప్పారు. ఎలాంటి ఫిర్యాదులు లేకుండా పథకం ప్రారంభం నుంచే మంచి ఫీడ్ బ్యాక్ రావాలని చంద్రబాబు అధికారులను ఆదేశించారు.