రైతు సానుకూల ప్రదేశ్ గా మారుస్తున్నాం : చంద్రబాబు

నీటి విలువ తెలిసిన వ్యక్తిగా నీరు మీరు, నీరు చెట్టు వంటి భూగర్భజలాలు పెంచేలా భూమినే జలాశయంగా మార్చడానికి ఇంకుడు గుంతల కార్యక్రమం చేపట్టామని తెలిపారు. ప్రధాని నరేంద్ర మోదీ కూడా అనంతపురంలో చేపడుతున్న జల సంరక్షణ కార్యక్రమాన్ని మన్ కీ బాత్‌లో ప్రత్యేకంగా ప్రస్తావించారని, పది లక్షల ఇంకుడు గుంతలు, మైక్రో ఇరిగేషన్ ద్వారా నీటిని సద్వినియోగం చేస్తున్నామని చంద్రబాబు చెప్పారు. అనంతపురం జిల్లాను ఎడారి కాదు పండ్ల తోటల వనంగా మార్చామన్న చంద్రబాబు హార్టికల్చర్ హబ్‌గా మార్చేందుకు ఎన్డీఏ కూటమి ప్రభుత్వం కృషి చేస్తోందని, రాష్ట్రంలోని 40 జీవనదుల నీటిని సమర్ధంగా వినియోగించుకుంటే కరువనేదే ఉండదని అన్నారు. ప్రతి ఎకరాకూ నీటిని ఇచ్చేలా నీటి వినియోగదారుల సంఘాల ప్రతినిధులు ప్రయత్నాలు చేయాలని, పరుగెత్తే నీటిని నిలపండి, నడిచే నీటిని జలాశయంగా మార్చండి, భూగర్భ జలాశయంలో నీటి నిల్వ పెరిగేలా చూడాలని చంద్రబాబు దిశానిర్దేశం చేశారు.