Fact Check: کرکٹرگلین میکسویل ورلڈ کپ میچ میں ڈبل سنچری بنانے والے پہلے آسٹریلیائی کھلاڑی نہیں، بلکہ بیلنڈا کلارک ہیں

فیکٹ چیک:

یہ دعویٰ کہ میکسویل یہ کارنامہ انجام دینے والے پہلے آسٹریلیائی کرکٹر بن گئے ہیں، گمراہ کن ہے۔

سابق کرکٹر بیلنڈا کلارک، ورلڈ کپ کے دوران ایک اننگز میں 200 سے زائد رنز بنانے والی پہلی آسٹریلیائی کھلاڑی ہیں جنہوں نے 1997 میں 229 رنز بنائے تھے۔ انڈیا ٹوڈے کی 2010 میں شائع ہونے والی ایک رپورٹ کے مطابق آسٹریلیائی کھلاڑی بیلنڈا کلارک 1997 میں ون ڈے میں ڈبل سنچری بنانے والی پہلی کھلاڑی تھیں۔

اس جانکاری کی مدد سے، ہم نے آن لائن پر مزید تلاش کیا اور ESPN Cricinfo کی ویب سائٹ پر اسی نوعیت کی معلومات پائی۔ اس رپورٹ میں کہا گیا ہے کہ سابق آسٹریلیائی کرکٹر بیلنڈا کلارک نے 155 گیندوں پر 229 رنز بنائے تھے اورآسٹریلیا اور ڈنمارک کی کرکٹ ٹیموں کے درمیان 16 دسمبر 1997 کو ممبئی میں کھیلے گئے میچ میں ناٹ آؤٹ رہیں۔

کرکٹ آسٹریلیا کی ویب سائیٹ پراس بات کی تصدیق ملتی ہیکہ ڈبل سنچری بنانے کا ریکارڈ سب سے پہلے بیلنڈا کلارک نے اپنے نام کیا تھا اور 26 سال بعد میکسویل اس کلب میں شامل ہوئے ہیں۔

مزید تحقیق کرنے پر پتہ چلا کہ میکسویل کے بارے میں تمام رپورٹس میں میں واضح طور پر ذکر کیا گیا ہے کہ وہ "مینس" کے ایک روزہ میچوں میں ڈبل سنچری بنانے والے "پہلے کھلاڑی" ہیں.

واضح رہے کہ گلین میکسویل ون ڈے کی تاریخ میں ڈبل سنچری بنانے والے پہلے آسٹریلیائی کھلاڑی نہیں بلکہ "مینس" کے ایک روزہ میچوں میں ڈبل سنچری بنانے والے پہلے کھلاڑی ہیں۔