రికార్డులను బ్రేక్ చేయనున్న వైఎస్ షర్మిల

తిరిగి హైకోర్టు తీర్పు ద్వారా ఆమె పాదయాత్రను నర్సన్నపేట నుంచి ప్రారంభించారు. ఈ నెల 20న వైఎస్ షర్మిల పాదయాత్ర పాలేరు నియోజకవర్గంలోకి అడుగుపెట్టనుంది. ఆ తర్వాత మహబూబాబాద్, డోర్నకల్ నియోజకవర్గాల్లో పాదయాత్ర ముగించుకుని తిరిగి పాలేరు నియోజకవర్గం చేరుకుని ప్రజాప్రస్థానం పాదయాత్రను ముగించనున్నారు. మార్చి ఐదో తేదీన పాదయాత్ర ముగింపు సభకు పార్టీ నేతలు భారీగా సన్నాహాలు చేస్తున్నారు.

వచ్చే ఎన్నికల్లో పోటీ చేయాలనుకుంటున్న పాలేరు నియోజకవర్గంలోనే వైఎస్ షర్మిల తన పాదయాత్రను ముగిస్తుండటం విశేషం. ఏడాదిన్నరగా ప్రజాప్రస్థానం పేరిట 4,111 కిలోమీటర్ల మేర వైఎస్ షర్మిల పాదయాత్ర చేసినట్లవుతుంది. ఒక్క పాలేరు నియోజకర్గంలోనే పథ్నాలుగు రోజుల పాటు పాదయాత్ర చేయనున్నారు. తెలంగాణ అంతటా పర్యటించడమే కాకుండా అత్యధికంగా నాలుగువేల కు పైగా కిలోమీటర్లు నడిచిన వైఎస్ షర్మిల రికార్డులను బ్రేక్ చేశారు. మరో రాజకీయ నేత ఎవరూ ఇన్ని వేల కిలోమీటర్ల మేర పాదయాత్ర చేయలేదు.