జగన్ కూడా వాయిదా పద్ధతిలోనే?

ఆంధ్రప్రదేశ్ ప్రభుత్వం కూడా ఉద్యోగుల వేతనాల్లో కోత విధించింది. తొలుత యాభై శాతం చెల్లించాలని నిర్ణయించింది. మిగిలిన యాభై శాతం వేతనాన్ని తర్వాత చెల్లించాలని నిర్ణయించింది. లాక్ డౌన్ నేపథ్యంలో రాష్ట్ర ఆదాయం గణనీయంగా పడిపోవడంతో జగన్ ప్రభుత్వం ఈ నిర్ణయం తీసుకుంది. పింఛనుదారులకు కూడా యాభై శాతం కోత విధించారు. ప్రజాప్రతినిధుల జీతాలను పూర్తిగా నిలిపివేశారు. దీనివల్ల ప్రభుత్వానికి కొంత ఉపశమనం లభిస్తోంది. ఈ నిధులను అత్యవసరాల కోసం వినియోగించాలని జగన్ సర్కార్ నిర్ణయించింది. ఐఏఎస్, ఐపీఎస్, ఐఎఫ్ఎస్ అధికారులకు 60 శాతం కోత విధించారు. ఇప్పటికే పేదలకు కుటుంబానికి వెయ్యి రూపాయలు ఈ నెల 4వ తేదీన ప్రభుత్వం చెల్లించాల్సి ఉంది. ఇందుకోసం 1,300 కోట్లు ఖర్చు చేయాల్సి వస్తుంది. ఆర్థిక పరిస్థితి కుదుటపడిన తర్వాత ఉద్యోగుల మిగిలిన వేతనం చెల్లించాలని జగన్ నిర్ణయించారు.