బ్రేకింగ్ : సభలోనే కోటంరెడ్డి సొంత పార్టీపై?

కోటంరెడ్డి శ్రీధర్ రెడ్డి అసెంబ్లీ సాక్షిగా అసంతృప్తి వ్యక్తం చేశారు. తనకు శాసనసభలో అవకాశం ఇవ్వలేదని ఆయన అసహనం వ్యక్తం చేశారు. గతంలో ప్రతిపక్షంలో ఉన్నప్పుడు మైకు ఇవ్వాలని గొంతు చించుకుని అరిచామని, అవకాశమివ్వమని చేయి ఎత్తి నొప్పి పుట్టే వరకూ ఉంచినా ఛాన్స్ ఇవ్వడం లేదన్నారు. సభలో ప్రసంగించే వారిలో తన పేరును జాబితాలో చేర్చేందుకు చీఫ్ విప్ శ్రీకాంత్ రెడ్డికి ఎందుకు మనసు రావడం లేదని ఆయన అన్నారు. ఇప్పుడు అవశామిచ్చినందుకు ధన్యవాదాలన్నారు. గతంలో తమ అధినేత జగన్ పై అప్పటి మంత్రులు దేవినేని ఉమ, అచ్చెన్నాయుడులు తీవ్ర పదజాలంతో దూషించారని, వారికి బుద్ధి చెప్పాలని మనసులో ఉన్నా తనకు అవకాశం ఇవ్వడం లేదని కోటంరెడ్డి వాపోయారు. తమ పార్టీ నేతలే తనకు సభలో మాట్లాడనివ్వకుండా అడ్డుకుంటున్నారని తెలిపారు. మా పార్టీకి చెందిన ప్రబుద్ధుడే తనకు నీతులు చెబుతున్నారని పార్టీపైనే కోటంరెడ్డి వ్యాఖ్యలు చేయడం చర్చనీయాంశంగా మారింది. తాను తనకు బీ ఫారం ఇచ్చిన వైఎస్ జగన్ కు, తనను గెలిపించిన పార్టీ కార్యకర్తలకు, తనకు ఓటేసిన ప్రజలకు మాత్రమే తాను జవాబుదారీగా ఉంటానని కోటంరెడ్డి తెలిపారు.