నిబంధనలకు విరుద్ధంగా కుల సంఘాలతో సమావేశమయ్యారనే ఆరోపణలతో టీఆర్ఎస్ నేత హరీష్ రావుపై ఎన్నికల సంఘం సీరియస్ అయ్యింది. ఇటీవల ఆర్యవైశ్య సంఘం సమావేశంలో ఆయనను సన్మానించారు. దీనిపై ఎన్నికల సంఘానికి ఫోటోలు, సీడీలతో సహా ఫిర్యాదు అందింది. ఈ ఫిర్యాదుపై స్పందించిన ఎన్నికల సంఘం హరీష్ రావు నిబంధనలు ఉల్లంఘించారని, ఆయనపై చర్యలు తీసుకోవాలని సిద్ధిపేట కలెక్టర్ కు ఆదేశాలు ఇచ్చింది. దీంతో హరీష్ రావుపై ఎఫ్ఐఆర్ నమోదు చేసేందుకు రంగం సిద్ధమైనట్లు తెలుస్తోంది.