రేపు ఉగాది : ఈరోజు ఎన్ని గంటలు?

బీఆర్ఎస్ మంత్రులు కేటీఆర్, హరీశ్‌రావు, శ్రీనివాసగౌడ్ లు ఢిల్లీలోనే ఉండి పరిస్థితిని సమీక్షిస్తున్నారు. న్యాయనిపుణులతో వాళ్లు సంప్రదింపులు జరుపుతూ కవితకు అవసరమైన న్యాయసలహాలు అందిస్తున్నారు. కవితకు ధైర్యం చెప్పడానికి, ఆమెకు చేదోడువాదోడుగా ఉండటానికి కేటీఆర్, హరీశ్‌రావుతో పాటు కవిత భర్త ఢిల్లీలోనే ఉన్నారు. వీరితో పాటు జాగృతి సంస్థ, బీఆర్ఎస్ కు చెందని ముఖ్యకార్యకర్తలు కూడా ఢిల్లీలోనే ఉన్నారు.

నిన్న రాత్రి ఎనిమిది గంటల నుంచి బీఆర్ఎస్ కార్యకర్తల్లో కొంత టెన్షన్ కనిపించింది. కవిత ఈడీ కార్యాలయం నుంచి రావడం ఆలస్యం కావడంతో కొంత ఉత్కంఠ నెలకొంది. అయితే 9.15 గంటలకు ఆమె బయటకు రావడంతో అందరూ ఊపిరిపీల్చుకున్నారు. మరి ఈరోజు విచారణ ఎంతసేపు జరగనుందన్నది తెలియాల్సి ఉంది. కవితను మరోసారి విచారణకు ఈడీ అధికారులు పిలుస్తారా? లేక ఈరోజుతో విచారణ పూర్తవుతుందా? అన్నది తెలియాల్సి ఉంది. రేపు ఉగాది పండగ కావడంతో విచారణ లేకుండా పంపితే బాగుండునని పార్టీ కార్యకర్తలు కోరుకుంటున్నారు. మరి ఏం జరుగుతుందో చూడాలి.