బండి సంజయ్ యాత్ర నేటి నుంచి

తెలంగాణ బీజేపీ రాష్ట్ర అధ్యక్షుడు బండి సంజయ్ నేటి నుంచి పాదయాత్రను ప్రారంభించనున్నారు. అక్టోబరు 2వ తేదీ వరకూ ఈ యాత్ర సాగనుంది. దీనికి ప్రజా సంగ్రామ యాత్ర గా నామకరణం చేశారు. హైదరాబాద్ లోని భాగ్యలక్ష్మి ఆలయం నుంచి ఈ పాదయాత్ర మరికాసేపట్లో ప్రారంభం కానుంది. రోజుకు కనీసం పది కిలోమీటర్ల పాదయాత్ర చేయాలని బండి సంజయ్ భావిస్తున్నారు. పాదయాత్రలో ప్రజల నుంచి వినతులను స్వీకరిస్తారు. పాదయాత్ర కోసం బీజేపీ పెద్దయెత్తున ఏర్పాట్లు చేసింది. పోలీసులు కూడా పెద్దయెత్తున బందోబస్తును ఏర్పాటు చేశారు.