మాజీ మంత్రి కాల్వపై దాడి

మాజీ మంత్రి కాల్వ శ్రీనివాసులపై దాడి జరిగింది. రాయదుర్గంలో టీడీపీ అభ్యర్థుల నామినేషన్లు తిరస్కరణకు గురయ్యాయి. దీనిపై అధికారులతో కాల్వ శ్రీనివాసులు మాట్లాడుతుండగా వైసీపీ కార్యకర్తలు వచ్చి దాడికి పాల్పడ్డారని టీడీపీ నేతలు ఆరోపిస్తున్నారు. ఎమ్మెల్యే కాపు రామచంద్రారెడ్డి ఆధ్వర్యంలోనే ఈ దాడి జరిగిందని కాల్వ శ్రీనివాసులు ఆరోపిస్తున్నారు. పోలీసులు జోక్యంతో కాల్వ శ్రీనివాసులను సురక్షితంగా పోలీస్ స్టేషన్ కు తరలించారు. కాల్వపై దాడి జరిగిన ఘటనలో పోలీసులు కేసు నమోదు చేశారు.