IPL 2024 : పోస్టుమార్టం చేసుకోవాల్సిందే.. ఎప్పుడూలేనిది ఇంత గతి ఎందుకు పట్టిందంటే?

ఎందుకో ఈ సీజన్ ముంబయి ఇండియన్స్ కు అచ్చిరాలేదు. తొలి నుంచి అంతే. ఎంత తక్కువ స్కోరును కూడా అది ఛేజ్ చేయలేక చేతులెత్తేస్తుంది. ప్లేఆఫ్ నుంచి ఇప్పుడు ముంబయి ఇండియన్స్ పూర్తిగా తప్పుకున్నట్లే. ఎందుకిలా జరిగిందని అనుకునే కన్నా.. జట్టులో అందరూ వైఫల్యాల బాటనే నడిచారు. ఒక కెప్టెన్ ను మార్చినంత మాత్రాన ఇది జరగలేదు. రోహిత్ శర్మ ఈ సీజన్ లో రాణించలేకపోయాడు. హార్ధిక్ పాండ్యా ఆకట్టుకోలేకపోయాడు. బ్యాటర్లు, బౌలర్లు కూడా పెద్దగా రాణించలేకపోవడానికి జట్టు యాజమాన్యం పోస్టుమార్టం చేసుకోవాల్సిందే. సులువుగా గెలిచే స్కోరును కూడా ఛేజింగ్ లో సాధించలేకపోవడం ఆ జట్టు వైఫల్యానికి ఇంతకంటే నిదర్శనం ఏముంటుంది? అందుకే ముంబయి ఇండియన్స్ ఫ్యాన్స్ కు ఈ సీజన్ చేదు ఫలితాలను మిగిల్చిందనే చెప్పాలి.