Revanth Reddy : తెలంగాణకు నీళ్లే కావాలి.. మాకు పంచాయతీ అవసరంలేదు

పంచాయతీ కావాలా? నీళ్లు కావాలా? అని తమను అడిగతే తాను మాత్రం తెలంగాణకు నీళ్లే కావాలని అడుగుతానని అన్నారు. కృష్ణా నదిపై ఉమ్మడి రాష్ట్రంలో ఉన్న ప్రాజెక్టుల అనుమతులకు దయచేసి అడ్డు పెట్టవద్దంటూ చంద్రబాబుకు రేవంత్ రెడ్డి విజ్ఞప్తి చేశారు. అడ్డంకుల వల్లనే కేంద్ర ప్రభుత్వం నుంచి నిధులు రావడం లేదని రేవంత్ రెడ్డి అన్నారు. తమకు రాజకీయ ప్రయోజనాలు ముఖ్యం కాదని, ప్రజా ప్రయోజనాలు ముఖ్యమని రేవంత్ రెడ్డి అన్నారు. జలవివాదాల విషయంలో ఆంధ్రప్రదేశ్ ప్రభుత్వం ఒక అడుగు ముందుకు వస్తే, తాము పది అడగులు వేస్తామని ఆయన చెప్పుకొచ్చారు.