తెలంగాణలో ఇంటర్ విద్యార్థులకు కడుపు నింపే కబురు

ఏపీలో ఇటీవలే ఇంటర్ విద్యార్థులకు కూడా మధ్యాహ్న భోజనం పథకం ప్రారంభమయిన నేపథ్యంలోనే తెలంగాణ ప్రభుత్వం కూడా ఈ నిర్ణయం తీసుకునే అవకాశాలున్నాయి. ఇందుకు సంబంధించిన ప్రతిపాదనలు పంపాలని ప్రభుత్వ జూనియర్ కళాశాలలకు ఆదేశాలు వెళ్లాయని చెబుతన్నారు. తెలంగాణలో ఉన్న 425 ప్రభుత్వ కళాశాలల్లో సుమారు 1.70 లక్షల మంది విద్యార్థులు చదువుతున్నారు. ఈ సంఖ్యను మరింత పెంచేందుకు మధ్యాహ్న భోజనం అమలు చేయాలని నిర్ణయించారు. ఈచర్యతో హాజరు శాతం పెరుగుతుందని తెలంగాణ ప్రభుత్వం భావిస్తుంది.