మీరే సుప్రీం..భవిష్యత్ మీదే : రాహుల్ గాంధీ

ఎలాగైనా అధికారంలోకి రావాలన్నదే బీజేపీ ఆలోచన అని రాహుల్ గాంధీ అన్నారు. భవిష్యత్ అంతా డీసీసీ అధ్యక్షులదేనని ఆయన తెలిపారు. వికారాబాద్ లో జరుగుతున్న రెండు తెలుగు రాష్ట్రాల డీసీసీ అధ్యక్షుల ముగింపు సమావేశంలో రాహుల్ గాంధీ పాల్గొన్నారు. కాంగ్రెస్ మాత్రం ప్రజలను మెప్పించి , మనసును గెలిచి అధికారంలోకి రావాలనే కోరుకుంటున్నది అని రాహుల్ గాంధీ అన్నారు. డీసీసీ అధ్యక్షులదే భవిష్యత్ ఉంటుందని రాహుల్ గాంధీ తేల్చిచెప్పారు. పది రోజుల పాటు రెండు రాష్ట్రాలకు చెందిన డీసీసీ అధ్యక్షుల సమావేశంలో ఆయన పలు వ్యాఖ్యలు చేశారు. ప్రధాని నరేంద్ర మోదీ అమెరికా అధ్యక్షుడు ట్రంప్ కు భయపడి అనేక ప్రజా వ్యతిరేక నిర్ణయాలను తీసుకుంటున్నారని అన్నారు. కాంగ్రెస్ ది మాత్రం గాంధీ విధానమని ఆయన తెలిపారు. ప్రతి పల్లెకు, పట్టణాలకు కాంగ్రెస్ సిద్ధాంతాలను తీసుకెళ్లాలని రాహుల్ గాంధీ పిలుపు నిచ్చారు.