Cold Waves : చలికి గడ్డ కట్టిపోతున్న నీరు.. ఎప్పుడూ లేనిది ఈ పరిస్థితి ఎందుకంటే?

దేశంలో చలితీవ్రత ఎక్కువగా ఉంది. ఉత్తర భారతంలో ఎప్పటికంటే చలితీవ్రత ఈసారి ఎక్కువగా ఉంది. భారత వాతావరణ శాఖ అధికారులు హెచ్చరించినట్లుగానే ఈ ఏడాది చలిగాలుల తీవ్రత కారణంగా అనేక మంది ఇబ్బందులు పడుతున్నారు. చలి దెబ్బకు సొంత పనులు చేసుకోవడానికి కూడా సహకరించని వాతావరణం నెలకొంది. ప్రధానంగా తెలుగు రాష్ట్రాల్లో గతంలో ఎన్నడూ లేనంతగా చలితీవ్రత ఎక్కువగా ఉంది. గత పదిహేను రోజుల నుంచి చలిగాలుల తీవ్రత ఏమాత్రం తగ్గడం లేదు. మరికొన్ని రోజుల పాటు ఆంధ్రప్రదేశ్, తెలంగాణలలో చలిగాలుల తీవ్రత ఎక్కువగా ఉంటుందని వాతావరణ శాఖ అధికారులు హెచ్చరిస్తున్నారు. ప్రజలు అప్రమత్తంగా ఉండాలని హెచ్చరిస్తున్నారు. ఏజెన్సీ ప్రాంతాల్లో చలి దెబ్బకు నీళ్లు కూడా గడ్డకట్టి పోతున్నాయి.