రాబోయే గంటల్లో హైదరాబాద్ లో భారీ వర్షం పడే అవకాశం

హైదరాబాద్ లో శుక్రవారం సాయంత్రం పలు ప్రాంతాల్లో తేలికపాటి నుండి మోస్తరు వర్షాలు కురిసే అవకాశం ఉందని భారత వాతావరణ శాఖ తెలిపింది. IMD-హైదరాబాద్ అంచనా ప్రకారం, రంగారెడ్డి, హైదరాబాద్, కామారెడ్డి, నిజామాబాద్, సంగారెడ్డి, వికారాబాద్, మేడ్చల్-మల్కాజిగిరి, నారాయణపేట, సూర్యాపేట, నల్గొండ జిల్లాల్లోని కొన్ని ప్రాంతాల్లో శుక్రవారం సాయంత్రం వర్షం పడే అవకాశం ఉంది. "రాబోయే మూడు గంటల్లో తేలికపాటి నుండి మోస్తరు వర్షం/ఉరుములతో కూడిన మెరుపులు మరియు 30 నుండి 40 కి.మీ వేగంతో ఈదురు గాలులు వీచే అవకాశం ఉంది" అని శుక్రవారం సాయంత్రం 4.30 గంటలకు వాతావరణ శాఖ తెలిపింది. ఆంధ్రప్రదేశ్ లో రాగల రెండు రోజులు తేలికపాటి నుంచి మోస్తరు వర్షాలు కురిసే అవకాశం ఉందని అమరావతి వాతావరణ కేంద్రం తెలిపింది. ఉత్తర, దక్షిణ కోస్తా, రాయలసీమలో రాగల రెండు రోజులు తేలికపాటి నుంచి మోస్తరు వర్షాలు, ఉరుములతో కూడిన జల్లులు పడే అవకాశం ఉందని వెల్లడించింది.