అవుటర్ రింగురోడ్డుపై కూల్ డ్రింక్స్ బాటిల్స్ లోడుతో వెళ్తున్న లారీ బోల్తా

ఆ మార్గంలో ప్రయాణిస్తున్న వారు తమ వాహనాలను ఆపి రోడ్డుపై పడిన థమ్స్అప్ బాటిల్స్‌ను ఎత్తుకెళ్లారు. గాయాలతో మూలుగుతున్న డ్రైవర్, క్లీనర్‌ను ఏమాత్రం పట్టించుకోకుండా లారీలోని సరుకు మొత్తాన్ని ఖాళీ చేశారు. సమాచారం అందుకున్న పోలీసులు వెంటనే ఘటనా స్థలానికి చేరుకుని ట్రాఫిక్ క్లియర్ చేశారు. క్షతగాత్రులను సమీపంలోని ఆసుపత్రికి తరలించారు. వాహనం అబ్దుల్లాపూర్‌మెట్ వైపు వెళుతుండగా చాలా వేగంగా డ్రైవింగ్ చేయడంతో డ్రైవర్ నియంత్రణ కోల్పోయాడని, వాహనం తిరగబడిన వెంటనే గుమికూడిన జనం శీతల పానీయం సీసాలు పట్టుకుని అక్కడి నుంచి వెళ్లిపోయారని పోలీసులు తెలిపారు. అనంతరం పోలీసులు లారీని పక్కకు తరలించి ట్రాఫిక్‌ను క్లియర్ చేశారు.