నవీన్ హత్య పై నిందితుడి తండ్రి వివరణ ఇదీ..

నవీన్ హత్యకు కారణమైన ఆ యువతిని కూడా పోలీసులు విచారణ చేస్తే.. మరిన్ని విషయాలు బయటకు వస్తాయని తెలిపారు. ఇటీవలే తన కొడుకుతో పాటు మరికొంతమంది ఓ రూమ్ రెంట్ కు తీసుకున్నారని, ఆ రూమ్ లో ఎవరెవరు ఉన్నారో తెలుసుకుని పోలీసులు వారిని ప్రశ్నిస్తే అసలు నిజాలేంటో తెలుస్తాయన్నారు. తన కొడుకు హరిహరకృష్ణ బాగా చదివేవాడని, పదో తరగతిలో స్కూలు ఫస్ట్ వచ్చాడని ఆయన చెప్పారు. గతంలో ఎన్నడూ ఎవరిపైనా చేయి చేసుకున్న సందర్భాలు లేవని, అలాంటి వ్యక్తి సైకో అంటే ఎవరూ నమ్మరని తెలిపారు.

తాను 30 ఏళ్లుగా ఆర్ఎంపీ గా చేస్తున్నానన్న హరి తండ్రి.. ఒక సైకో ప్రవర్తన ఎలా ఉంటుందో అవగాహన ఉందన్నారు. హత్య విషయం తెలిశాక తానే తన కొడుకుని పోలీసులకు లొంగిపోవాలని చెప్పినట్లు ఆయన వివరించారు. నవీన్ కుటుంబానికి క్షమాపణలు చెబుతున్నట్లు తెలిపారు. నవీన్ హత్య కేసులో హరిహరకృష్ణకు ఎలాంటి శిక్ష విధించాలో న్యాయస్థానమే నిర్ణయిస్తుందని పేర్కొన్నారు.