Harish Rao : కాంగ్రెస్ నేతలది తప్పుడు ప్రచారం...అసలు వాస్తవాలివే

మిడ్ మానేరు నుంచి ఎల్ఎండీకి నీళ్లు తెచ్చి అక్కడి నుంచి ఎస్సారెస్పీ స్టేజీ వన్ కు నీళ్లిచ్చామని హరీశ్ రావు వివరించారు. ఎస్సారెస్పీ స్టేజీ రెండులో తుంగతుర్తి, సూర్యాపేట, కోదాడ వరకూ నీరిందించినట్లు హరీశ్ రావు గుర్తు చేశారు. కాళేశ్వరం నీటి వల్లనే అనేక పంటలను నాడు కాపాడిందని హరీశ్ రావు చెప్పుకొచ్చారు. అలాంటి కాళేశ్వరంపై ముఖ్యమంత్రి రేవంత్ రెడ్డితో పాటు నీటిపారుదల శాఖ మంత్రి ఉత్తమ్ కుమార్ రెడ్డి కూడా తప్పుడు ప్రచారం చేస్తున్నారన్నారు. యాభై ఎకరాలే పారిందని కాంగ్రెస్ నేతలు దుష్ప్రచారం చేస్తున్నారని హరీశ్ రావు ఆగ్రహం వ్యక్తం చేశారు.