Telangana : నేటి నుంచి బడ్జెట్ అసెంబ్లీ సమావేశాలు

ఉదయం 11.27, గంటల నుంచి 11:37 నిమిషాల సమయంలో అసెంబ్లీ ప్రాంగణంలో ఏర్పాటు చేసిన తెలంగాణ తల్లి విగ్రహం ఆవిష్కరణ కార్యక్రమం ఉంటుంది. తెలంగాణ తల్లి విగ్రహం కార్యక్రమానికి శాసన మండలి శాసనసభ సభ్యులు అందరూ హాజరుకావాలని సూచించారు. ▪️గవర్నర్, సిఎం, మండలి చైర్మన్, స్పీకర్ చేతుల మీదుగా ఆవిష్కరణ ఉండనుంది. ఉదయం 11:40 కి అసెంబ్లీ సంయుక్త సమావేశం ప్రారంభమవుతాయి. 11.45కి ఉభయ సభలనుద్దేశించి గవర్నర్ శివ ప్రతాప్ శుక్లా ప్రసంగిస్తారు.

బడ్జెట్ సమావేశాల్లో హాట్ హాట్ డిస్కషన్స్ జరగనున్నాయి. సభ ఎన్ని రోజుల పాటు నిర్వహించాలన్న దానిపై బీఏసీ సమావేశంలో నిర్ణయం తీసుకుంటారు. వివిధ బిల్లులను ఈ సమావేశాల సందర్భంగా ప్రభుత్వం ఆమోదించనుంది. నేడు అసెంబ్లీ సమావేశాలు ప్రారంభం కానుండటంతో ఆ ప్రాంతంలో 144 సెక్షన్ విధించారు. పోలీసులు భారీ భద్రతను మొహరించారు. ఎటువంటి ఆందోళనలు, ర్యాలీలకు అనుమతి లేదని పోలీసు ఉన్నతాధికారులు ప్రకటించారు.