Bjp : బీజేపీ కోర్ కమిటీ అత్యవసర సమావేశం
భారతీయ జనతా పార్టీ తెలంగాణ పార్టీ నేతలు నేడు ఢిల్లీలో సమావేశం కానున్నారు. భవిష్యత్ కార్యాచరణపై చర్చించనున్నారు
భారతీయ జనతా పార్టీ తెలంగాణ పార్టీ నేతలు నేడు ఢిల్లీలో సమావేశం కానున్నారు. భవిష్యత్ కార్యాచరణపై చర్చించనున్నారు. బీజేపీ కోర్ కమిటీ సమావేశానికి ముఖ్యనేతలు హాజరుకానున్నారు. ఈ సమావేశంలో పార్టీ ఇన్ చార్జి తరుణ్ చుగ్ పాల్గొననున్నారు. అకస్మాత్తుగా ఈ సమావేశాన్ని నిర్వహించడం వెనక ముఖ్య కారణం మీడియా విషయంలో చర్చించడానికే అంటున్నారు.
అందుకోసమే....
తెలంగాణలో ఉన్న ఒక ప్రధాన పత్రిక, టీవీ ఛానల్ ప్రధానితో పాటు బీజేపీపై అసత్య ప్రచారం చేస్తుందని, దీనిపై ఎలా ముందుకెళ్లాలన్న దానిపై బీజేపీ నేతలు చర్చించనున్నారు. ఈ సమావేశంలో బీజేపీ రాష్ట్ర అధ్యక్షుడు బండి సంజయ్, ఈటల రాజేందర్ , డీకే అరుణ, మనోహర్ రెడ్డి పాల్గొననున్నారు. ప్రధానిపై టీఆర్ఎస్ సభా హక్కుల ఉల్లంఘన నోటీసుపై కూడా ఈ సమావేశంలో చర్చించనున్నారు.