ప్రధాని మోదీకి 17 ప్రశ్నలు.. భాగ్యనగరంలో వెలసిన 17 బ్యానర్లు
భాగ్యనగరంలో 17 చోట్ల 17 ప్రశ్నలతో కూడిన.. 17 బ్యానర్లను కట్టారు. తెలంగాణపై కేంద్రం అనుసరిస్తున్న వైఖరికి..
ప్రధాని నరేంద్రమోదీ నేడు హైదరాబాద్ పర్యటనకు వస్తున్న విషయం తెలిసిందే. మోదీ రాక నేపథ్యంలో.. భాగ్యనగరంలో 17 చోట్ల 17 ప్రశ్నలతో కూడిన.. 17 బ్యానర్లను కట్టారు. తెలంగాణపై కేంద్రం అనుసరిస్తున్న వైఖరికి వ్యతిరేకంగా ప్రధానిని ప్రశ్నిస్తూ.. నగర యువత ఈ బ్యానర్లను ఏర్పాటు చేసింది. రాష్ట్రానికి ఒక్క మెడికల్ కాలేజీ ఇవ్వలేదు. విభజన చట్టం ప్రకారం ఇస్తామన్న కోచ్ ఫ్యాక్టరీ కూడా మంజూరు చేయలేదు.. రాష్ట్రానికి రావాల్సినవని, ఇస్తామన్నవి ఎందుకు ఇవ్వలేదంటూ.. 17 ప్రాంతాల్లో.. బ్యానర్ కొక ప్రశ్న చొప్పున 17 బ్యానర్లను కట్టారు. ఆ 17 ప్రశ్నలివీ.
1. మోదీజీ.. కేంద్ర ప్రభుత్వం తెలంగాణకు ఒక్క మెడికల్ కాలేజీని కూడా ఎందుకు మంజూరు చేయలేదు?
2. తెలంగాణలో ఇండియన్ ఇన్స్టిట్యూట్ ఆఫ్ సైన్స్ ఎడ్యుకేషన్ అండ్ రిసెర్చ్ ఎక్కడ ఉంది?
3. తెలంగాణకు డిఫెన్స్ కారిడార్ ఎందుకు మంజూరు చేయలేదు?
4. కాలేశ్వరం ప్రాజెక్టుకు జాతీయ హోదా ఎందుకు ఇవ్వలేదు?
5. పాలమూరు-రంగారెడ్డి ప్రాజెక్టుకు జాతీయ హోదా ఎక్కడ?
6. కాజీపేట రైల్ కోచ్ ఫ్యాక్టరీ ఏది?
7. గ్లోబల్ సెంటర్ ఫర్ ట్రెడిషనల్ మెడిసిన్ను హైదరాబాద్ నుంచి గుజరాత్కు ఎందుకు తరలించారు?
8. తెలంగాణకు కొత్తగా నవోదయ విద్యాలయాలను ఎందుకు మంజూరు చేయడంలేదు?
9. నిజామాబాద్లో పసుపు బోర్డును ఎందుకు ఏర్పాటు చేయలేదు?
10. బయ్యారం స్టీల్ ఫ్యాక్టరీ ఎక్కడ?11. తెలంగాణకు ఐటీఐఆర్ ఎక్కడ?
12. తెలంగాణకు నేషనల్ ఇన్స్టిట్యూట్ ఆఫ్ డిజైన్ ఏది?
13. నీతి ఆయోగ్ చెప్పినప్పటికీ మిషన్ భగీరథకు నిధులు ఎందుకు ఇవ్వలేదు?
14. హైదరాబాద్కు వరద సాయం ఎందుకు చేయలేదు?
15. తెలంగాణకు మెగా పవర్లూమ్ టెక్స్టైల్ క్లస్టర్ ఒక్కటికూడా ఎందుకు మంజూరు చేయలేదు?
16. ఫార్మాసిటీకి ఆర్థిక సాయం ఏమైనా చేశారా?
17. తెలంగాణకు ఐఐఎం ఎక్కడ?