భారీగా పేలుడు పదార్థాలు.. రిపబ్లిక్ డే వేడుకల సందర్భంగా కలకలం

అయితే అక్కడ పెద్దయెత్తున పేలుడు సామాగ్రిని స్వాధీనం చేసుకున్నారు. ఈ సందర్భంగా 187 బస్తాల అమ్మోనియం నైట్రేట్ తో పాటుగా డిటొనేటర్లు, వైర్లు, మరికొన్ని పేలుడు పదార్థాలను స్వాధీనం చేసుకున్నారు. అయితే ఇవి మైనింగ్ కార్యక్రమాల్లో వినియోగించేందుకు తెచ్చారా? మరేదైనా ఉగ్రకుట్రకు పాల్పడాలని తెప్పించారా? అన్న కోణంలో అధికారులు దర్యాప్తు చేస్తున్నారు. సులేమాన్ ఖాన్ అనేక వ్యక్తిని అదుపులోకి తీసుకుని పోలీసులు విచారణ చేస్తున్నారు. రాజస్థాన్ లోని అనేక ప్రాంతాల్లో మైనింగ్ కార్యక్రమాలను నిర్వహించేందుకు పెద్దయెత్తున అమ్మోనియం నైట్రేట్ తెప్పిస్తారు.

మైనింగ్ ను సులువుగా చేసేందుకు ఈ పద్ధతిని చాలా కాలంగా వినియోగిస్తు్న్నారు. అయితే అక్రమ మైనింగ్ కార్యక్రమాలకు పాల్పడే వారికి సులేమాణ్ ఖాన్ వీటిని సరఫరా చేస్తున్నాన్న అనుమానాలు కూడా వ్యక్తమవుతున్నాయి. అధికారులు స్వాధీనం చేసుకున్న పేలుడు పదార్థాల విలువ కోట్ల రూపాయలలో ఉంటుందని అధికారులు తెలిపారు. అయితే అమ్మోనియం నైట్రేట్ తో పాటు డిటొనేటర్లు సులేమాన్ ఖాన్ ఎవరెవరికి సరఫరా చేశారన్నదానిపై అధికారులు ఆరా తీస్తున్నారు. ఈ పేలుడు పదార్థాల సరఫరాలలో ఇంకెవరి హస్తం అయినా ఉందా? అన్న కోణంలోనూ దర్యాప్తు చేస్తున్నారు. మొత్తం మీద గణతంత్ర వేడుకలకు ముందు ఇంత పెద్దయెత్తున పేలుడు పదార్థాలు లభ్యమవ్వడంతో దేశమంతా హై అలెర్ట్ ను ప్రకటించారు.