మూడ్ ఆఫ్ ది నేషన్ సర్వే.. ప్రధాని మోదీకే పట్టం

లోక్‌సభ ఎన్నికలకు ఇంకా ఏడాది కంటే తక్కువ సమయం ఉంది. అయితే ప్రధాని నరేంద్ర మోదీకి ఆదరణ తగ్గలేదని ఇండియా టుడే-సివోటర్ మూడ్ ఆఫ్ ది నేషన్ సర్వే వెల్లడించింది. సర్వేలో పాల్గొన్న వారిలో 52 శాతం మంది ప్రధాని నరేంద్ర మోదీ మూడోసారి అధికారంలోకి వస్తారని అభిప్రాయపడ్డారు. మూడ్ ఆఫ్ ది నేషన్ (ఎంఓటీఎన్) ఆగస్టు ఎడిషన్ సర్వేలో 63 శాతం మంది ప్రధానమంత్రిగా నరేంద్ర మోదీ పనితీరుపై సంతృప్తి వ్యక్తం చేశారు. కొన్ని నెలల క్రితం సర్వేతో పోల్చితే ఈ సంఖ్య స్వల్పంగా తగ్గుముఖం పట్టింది. అంతకు ముందు 72 శాతం మంది ప్రధాని మోదీ పనితీరుతో సంతృప్తి చెందామని చెప్పారు. 2024 ఎన్నికల్లో మోదీని చూసే బీజేపీకి ఓటు వేస్తామని 44 శాతం మంది అభిప్రాయపడినట్లు మూడ్ ఆఫ్ ది నేషన్ పోల్ వెల్లడించింది. బీజేపీకి ఓటు వేయడానికి గల కారణాలు- అభివృద్ధి, హిందుత్వ కారణాలేనని తేల్చి చెప్పింది ఇండియా టుడే-సీఓటర్ సర్వే. 13 శాతం మంది మోదీ పనితీరుకు యావరేజ్ మార్కులు వేశారు. మరో 22 శాతం మంది ఆయన పనితీరు పేలవంగా ఉందని తేల్చేశారు.