భారత్-రష్యా మధ్య కీలక ఒప్పందాలివే

భారత్, రష్యా స్నేహం ఎప్పటికీ శాశ్వతంగా ఉంటుందని ప్రధాని నరేంద్ర మోదీ అన్నారు. పుతిన్ తో కలిసి ఆయన మీడియాతో మాట్లాడారు. రష్యా మనకు ఎప్పటినుంచో మిత్రదేశంగా ఉందని, యూరియా ఉత్పత్తికి సహాయం చేస్తోంది. 2030 వరకు భారత్- రష్యా మధ్య ఎకనమిక్ ప్రోగ్రాం కుదుర్చుకున్నామని ప్రధానినరేంద్ర మోదీ తెలిపారు. ఆర్థిక రంగంలో ఇరుదేశాల మధ్య సంబంధాలను మరో స్థాయికి తీసుకెళ్తామన్న మోదీ భారత్ కు వచ్చే రష్యా పర్యాటకుల వీసాల నిబంధనలు సరళీకరిస్తామని అని మోదీ తెలిపారు.

భారత్ పర్యటనలో భాగంగా కుదిరిన ఒప్పందాల అనంతరం రష్యా అధ్యక్షుడు వ్లాదిమిర్ పుతిన్ మాట్లాడారు. భారత్ ఆతిథ్యం తనకు ఎంతో సంతోషాన్ని ఇచ్చిందని రష్యా అధ్యక్షుడు పుతిన్ తెలిపారు. అనేక అంశాల్లో ఇరు దేశాల మధ్య అవగాహన కుదిరిందని అన్నారు. భారత్-రష్యా మధ్య 64B డాలర్ల వ్యాపారం జరుగుతోందన్నారు. దీన్ని మరింత పెంచేందుకు కృషి చేస్తున్నామని పుతిన్ తెలిపారు. ఆయిల్, అణువిద్యుత్, విద్యుత్, మెడిసినల్ డ్రగ్స్ రంగాల్లో ఇండియాతో కలిసి పనిచేస్తామని వెల్లడించారు.