సుందర్ పిచాయ్ కు గూగుల్ ఉద్యోగుల బహిరంగ లేఖ

ప్రముఖ టెక్ సంస్థ అయిన గూగుల్.. ఇప్పటివరకూ 12 వేల మంది ఉద్యోగులకు ఉద్వాసన పలికిన విషయం తెలిసిందే. ఈ నేపథ్యంలో తాజాగా 1400 మంది గూగుల్ ఉద్యోగులు సీఈఓ సుందర్ పిచాయ్ కు బహిరంగ లేఖ రాశారు. ఉద్యోగుల తొలగింపులు కొనసాగుతున్న నేపథ్యంలో.. కంపెనీ ఉద్యోగుల క్షేమం కోసం చర్యలు చేపట్టాలని ఆ లేఖలో డిమాండ్ చేశారు. కంపెనీలో ప్రస్తుతం కొత్త నియామకాలను చేపట్టవద్దని ఉద్యోగులు తమ లేఖలో సూచించారు. అలాగే తొలగింపులకు ముందు.. రాజీనామాలు చేసేందుకు సమయం ఇవ్వాలని కోరారు.