Delhi : ఢిల్లీ లో హై అలెర్ట్.. హస్తిన వెళ్లేవారు అప్రమత్తంగా ఉండాల్సిందే

ఢిల్లీ గాలికాలుష్యం అత్యంత దారుణంగా ఉంది. ఢిల్లీలో గాలి నాణ్యత పూర్తిగా దెబ్బతినింది. జాతీయ రాజధాని ఢిల్లీలో గాలి నాణ్యత అత్యంత ప్రమాదకర స్థాయిలోఉంది. ఎయిర్ క్వాలిటీ ఇండెక్స్‌ 349గా నమోదైంది. ఢిల్లీలోని 39 గాలి నాణ్యత మానిటరింగ్‌ కేంద్రాల్లో 27 కేంద్రాల్లో ‘అత్యంత దారుణం’ స్థాయి నమోదైంది. ఆరు కేంద్రాల్లో ‘తీవ్ర’ స్థాయికి చేరింది. జహాంగీర్‌పురి ప్రాంతంలో 432గా అత్యధిక ఏక్యూఐ నమోదైనట్లు కేంద్ర కాలుష్య నియంత్రణ మండలి ‘సమీర్‌’ యాప్‌ వెల్లడించింది. నిపుణుల అంచనా ప్రకారం, వారాంతంలో పరిస్థితి మరింత క్షీణించి ప్రమాదకర స్థాయికి వెళ్లే అవకాశం ఉంది.