Election Commission : నేడు ఎన్నికల షెడ్యూల్ విడుదల.. లోక్‌సభ‌తో పాటు రాష్ట్రాల ఎన్నికల షెడ్యూల్

ఈ మీడియా సమావేశంలోనే ఏ ఏ రాష్ట్రాల్లో ఎన్నికలు ఎప్పుడు జరుగుతాయన్నది తేలనుంది. 18వ లోక్‌సభకు సంబంధించి వివిధ దశల్లో ఎన్నికలను కేంద్ర ఎన్నికల కమిషన్ నిర్వహించనుంది. భద్రత సిబ్బందిని వినియోగించుకోవడం కోసం దశల వారీగా ఎన్నికలను నిర్వహిస్తుంది. గత ఎన్నికల్లో ఏడు దశల్లో లోక్‌సభ ఎన్నికలను నిర్వహించింది. కేంద్ర ఎన్నికల ప్రధాన కమిషనర్ం రాజీవ్ కుమార్ ఈ షెడ్యూల్ ను విడుదల చేయనున్నారు. ఇప్పటికే గత ఎన్నికల షెడ్యూల్ కంటే ఆరు రోజులు ఆలస్యం కావడంతో ఎప్పుడు ఏ తేదీన ఏ రాష్ట్రంలో ఎన్నిక నిర్వహించనున్నదీ నేడు తేలనుంది.

అయితే తెలుగు రాష్ట్రాల్లో ఒకేసారి ఎన్నికలు నిర్వహించేలా చూడాలని ఇప్పటికే కేంద్ర ఎన్నికల కమిషన్ కు ఫిర్యాదులు అందాయి. రెండు రాష్ట్రాల్లో ఓటు హక్కు ఉండటంతో తెలంగాణలో లోక్‌సభ, ఏపీలో లోక్‌సభ, అసెంబ్లీ ఎన్నికలను ఒకే తేదీన నిర్వహించాలంటూ అధికార వైసీపీ కోరుతుంది. మరోవైపు ఎన్నికలను పకడ్బందీగా నిర్వహించాలంటే అవసరమైన భద్రత సిబ్బంది, ఎన్నికల అధికారులు వంటి వాటిని పరిగణనలోకి తీసుకుని ఎన్నికల కమిషన్ నిర్ణయం తీసుకోనుంది.