Aadhar : ఆధార్ అప్ డేట్ చేసుకోవాలనుకుంటున్నారా? అయితే ఇంటివద్దే ఇలా?

అయితే వృద్ధులు, దీర్ఘకాలిక రోగులు తమ ఆధార్ కార్డును అప్ డేట్ చేసుకోవాలంటే మీ సేవ కేంద్రాలకు వెళ్లడం కష్టంగా మారిన తరుణంలో భారత విశిష్ట ప్రాధికార సంస్థ కీలక నిర్ణయం తీసుకుంది. ఆధార్ కార్డు పొందాలనుకున్నా, కార్డు అప్ డేట్ చేయాలనుకున్నా ఇంటివద్దనే సేవలందించాలని నిర్ణయించింది. అయితే ఒక్కొక్క కార్డుకు ఏడు వందల రూపాయలు ఫీజు వసూలు చేస్తారు. సిబ్బంది ఇంటికి వచ్చి ఆ సమాచారాన్ని తీసుకుని ఆధార్ కార్డును అప్ డేట్ చేస్తారు. కొత్త కార్డు ను కూడా మంజురు చేసేలా భారత విశిష్ట ప్రాధికార సంస్థ నిర్ణయం తీసుకోవడం సీనియర్ సిటిజన్లకు భారీ ఊరట అని చెప్పాలి.

అయితే ఇందుకోసం భారత విశిష్ట ప్రాధికార సంస్థ కు ముందుగా దరఖాస్తు చేసుకోవాల్సి ఉంటుంది. ఒక లెటర్ రాసినా సరిపోతుంది. ఉడాయ్ ప్రాంతీయ కార్యాలయంలో దరఖాస్తు చేసుకుంటే సిబ్బంది మీ ఇంటికి వచ్చి వివరాలను నమోదు చేసుకుంటారు. తర్వాత కార్డు మీ ఇంటి అడ్రస్ కు చేరుకుంటుంది. అయితే సీనియర్ సిటిజన్లు, నడవలేని వారు, దీర్ఘకాలిక రోగులు, మంచానికే పరిమితమయిన వారు మాత్రమే ఈ రకమైన సౌకర్యానికి అర్హులు. మెడికల్ ఇచ్చిన సర్టిఫికేట్ ను కూడా దరఖాస్తుతో పాటు జత చేసి పంపితే మీ ఇంటికే వచ్చి ఆధార్ కార్డు అప్ డేట్ ను చేసుకుంటారు. ఆధార్ కార్డులో తప్పులున్నా సరిచేసుకునే వీలుందని అధికారులు తెలిపారు.